Presidenti i Ukrainës, Volodymyr Zelensky dhe Presidenti i SHBA-së, Donald Trump, zhvilluan bisedime përpara funeralit të Papa Françeskut, hera e parë që të dy janë takuar ballë për ballë që nga takimi i tyre në Zyrën Ovale.
Drejtori i Komunikimit të Shtëpisë së Bardhë, Steven Cheung tha se të dy “u takuan privatisht sot dhe patën një diskutim shumë produktiv. Më shumë detaje rreth takimit do të vijojnë”, tha ai.
Bisedimet vijnë në një moment vendimtar për luftën në Ukrainë ku SHBA-ja ka kërcënuar të braktisë përpjekjet e saj për të ndërmjetësuar paqen.
Por pas bisedimeve të reja midis presidentit rus Vladimir Putin dhe të dërguarit të Trump për Ukrainën, Steve Witkoff, Trump tha se Ukraina dhe Rusia ishin “shumë afër një marrëveshjeje”, njofton rtsh.
