Bashkëjetesa ndërfetare ishte një nga cilësitë e mëdha të Shqipërisë së vogël të cilën Papa Françesku e ngriti lart, jo vetëm me përcjelljen e mesazheve të vazhdueshme për shqiptarët, por duke pritur në Selinë e Shenjtë përfaqësues të besimeve fetare në Shqipëri. Përfaqësuesit e Qendrës së bashkëpunimit Ndërfetar në Elbaasan e vlerësojnë takimin me Papën si një nga ngjarjet më të rëndësishme.
Takimi me Papa Francëskun u zhvillua në maj të vitit 2022 ndërsa delegacioni Shqiptar i dhuroi Papës xhamadanin e Elbasanit, i cili është simboli i qytetit. Vizita në Selinë e Shenjtë u zhvillua në kuadër të promovimit të “Marrëveshjes së vëllazërisë njerëzore”, njofton TCH.
