Greqia është një nga shtet që po has problematika sa i përket shpërndarjes së zarfeve të votës për diasporën. Komisioni Qendror i Zgjedhjeve bënë me dije se është në komunikim të vazhdueshëm me kompaninë kontraktore DHL dhe i bëjnë thirrje emigrantëve që nuk po koordinohet dot me postierët se në email ose numrin e telefonit ju është dërguar një njoftim i ri me të dhënat e zarfit të votimit.
Po ashtu, KQZ rendit edhe pikat postare që në disa zona do të qëndrojnë hapur me orar të zgjatur pune, me qëllim që zgjedhësit të shkojnë për të marrë zarfin në rast se nuk ndodhen në banesën e deklaruar. Shpërndarja do të vijojë në disa zona edhe të dielën.
Nga 245 mijë zarfe në total deri në mesditë, 193.823 zarfe janë tërhequr nga emigrantët në 85 shtete të botës, ndërsa në KQZ kanë mbërritur rreth 55 mijë.
Kryekomisioneri Ilirjan Celibashi vijon apelin ndaj emigrantëve që të tërheqin pakot zgjedhore deri në datën 5 maj pasi përtej këtij afati, zarfet do rikthen në Shqipëri. Ndërsa qytetarët që e kanë tërhequr duhet që, pasi të votojnë, ta nisin sa më shpejt pasi çdo pako që mbërrin në Shqipëri pas orës 19:00 të datës 11 maj do të jetë e pavlefshme, njofton rtsh.
