Papa Françesku është varrosur në Bazilikën e “Santa Maria“ në Romë, kanë njoftuar nga Vatikani, shkruan CNN. Ai është Papa i parë që nga Leo XIII, i cili vdiq në vitin 1903, që u varros jashtë Vatikanit.
“Riti i varrimit të Papës filloi në orën 13:00. me orën lokale në një ceremoni të kryesuar nga kardinali Kevin Farrell, i cili ishte ngarkuar të bënte aranzhimet për funeralin e Françeskut dhe që së shpejti do të ndihmojë në organizimin e një konklava për zgjedhjen e pasuesit të Françeskut“, ka njoftuar Vatikani. Derisa ceremonia përfundoi në orën 13:30.
Françesku është Papa i parë në më shumë se një shekull që u varros jashtë mureve të Vatikanit.
Në testamentin e tij, papa i ndjerë kërkoi që varri i tij të mbishkruhej vetëm me fjalën: “Franciscus”. Sa herë që Françesku kthehej në Romë pas një udhëtimi jashtë vendit, ai gjithmonë vizitonte Santa Maria Maggiore.
Është një zgjedhje e përshtatshme – Françesku ishte veçanërisht i përkushtuar ndaj Virgjëreshës Mari dhe Santa Maria Maggiore ishte kisha e parë kushtuar asaj kur u ndërtua në shekullin e 4-të.
Papa Françesku “preku mendjet dhe zemrat” dhe donte “të ndërtonte ura, jo mure”, tha kardinali Giovanni Battista Re, i cili drejtoi shërbesën.
