Vatikani në përgatitjet e fundit, kardinalët do të nënshkruajnë betimin e sekretit! Akreditohen mbi 5300 gazetarë e operatorë. Pas dhomës dhe oxhakut që do të njoftojë botën për Papën e ri në Vatikan u bë sistemimi i ballkonit ku Papa i ri do të shfaqet sapo të jetë zgjedhur.
Këtë të hënë, punëtorët vendosën perde të kuqe në ”llozhën e bekimeve”, ballkonin e famshëm në Bazilikën e Shën Pjetrit si pjesë e përgatitjeve të fundit për konklavën, që pritet të fillojë të mërkurën pasdite.
Edhe sot përfunduan 9 ditët e zisë së kardinalëve të cilët do të vijojnë me të tjera takime në kuadër të procesit zgjedhor.
Selia e Shenjtë ndërkohë ka konfirmuar edhe interesimin e lartë të mediavë mbarëbotërore për konklavën. Janë mbi 5300 gazetarë e kameramanë të cilët janë akredituar sipas Corriere della Sera për të raportuar për zgjedhjen e pëshkopit të ri të Romës që do të pasojë Papa Françeskun./KJ
