Ambasada e Republikës së Shqipërisë në Bernë shpreh urimet më të përzemërta për këngëtaren dhe kompozitoren shqiptaro-zvicerane Elina Duni, e cila më 28 qershor 2025 do të nderohet me Çmimin Zviceran të Xhazit, një nga vlerësimet më prestigjioze në skenën muzikore të Zvicrës.
Me një zë të veçantë dhe një ndjeshmëri artistike të jashtëzakonshme, Elina Duni ka ndërtuar një urë të rrallë mes muzikës tradicionale shqiptare dhe xhazit bashkëkohor evropian.
Ajo ka përfaqësuar me dinjitet kulturën shqiptare në skenat ndërkombëtare dhe ka fituar respektin e kritikës muzikore për autenticitetin dhe thellësinë e interpretimit të saj.
Kontributi i saj artistik ka frymëzuar një brez të tërë artistësh të rinj dhe vazhdon të jetë një model i fuqishëm për bashkëjetesën kreative mes traditës dhe inovacionit.
Urime dhe suksese të mëtejshme, Elina Duni!
Ministria për Evropën dhe Punët e Jashtme – Republika e Shqipërisë
Agjencia Kombëtare e Diasporës
Culturalb
SAM24.info
