Kryetari i Aleancës për Shqiptarët, Arben Taravari ka reaguar përmes një statusi në faqen e tij në Facebook për daljen e ASH-së nga Qeveria, informon Telegrafi Maqedoni.
Taravari shkruan se ndihet krenar për vendimin, duke sqaruar se pavarësisht se disa individë tentojnë të duket ASH-ja e përçarë, aktualisht janë më të fortë se asnjëherë. Reagimi i plotë:
“Të nderuar miq, kolegë, aktivistë, njerëz që ju njoh dhe nuk ju njoh drejpëtdrejt:
Jam krenar për secilin nga ju që jeni pjesë e Aleancës për Shqiptarët!
Jam krenar për të gjithë ju që qëndruat të fortë në daljen tonë nga Qeveria!
Kurse atyre që mundohen të na bëjnë të dukemi të përçarë ju them se- seriali juaj nuk ka sukses!
Ne jemi krenarisht më të fortë se asnjëherë!
Mos harroni:
Jemi Fituesit e Tetorit!”
Kujtojmë se reagimi i Taravarit erdhi pasi Azir Aliu nga ASH-Taravari u deklarua se do të qëndrojë në koalicionin VLEN edhe pse partia e tij vendosi të largohet nga qeveria, njofton telegrafi.
https://www.facebook.com/arben.taravari/posts/10237193021346187?ref=embed_post
