Pas barazimit spektakolar 3-3 në ndeshjen e parë në Katalonjë, Interi dhe Barcelona rikthehen sonte në fushë, në orën 21:00, për ndeshjen e kthimit të gjysmëfinales së Champions League. Një sfidë që mund të vendosë fatin e një sezoni të tërë, për të dyja skuadrat.
Simone Inzaghi, i cili kërkon finalen e tij të dytë në tri sezonet e fundit, mbështetet te rikuperimi i Lautaro Martinez dhe te pikat e dobëta që Interi shfrytëzoi në ndeshjen e parë, veçanërisht te goditjet standarde dhe kundërsulmet. Nga ana tjetër, Hansi Flick kërkon të përsërisë Tripletën e vitit 2020 me Bayernin, këtë herë me Barcelonën, që ka plot 10 vite pa fituar Champions-in. Katalanasit tashmë kanë fituar Superkupën e Spanjës dhe Kupën e Mbretit, ndërsa në kampionat janë katër pikë mbi Realin dhe kanë ende për të zhvilluar një El Clasico në “Montjuïc”.
Këtë herë, tridenti nuk është më Messi-Neymar-Suarez, por Yamal-Raphinha-Ferran Torres, me Leëandoëskin, Baldén dhe Ter Stegen ende jashtë. Në portë do të luajë sërish Szczesny, ndërsa në mbrojtje Flick po mendon mes dysheve Martinez-Cubarsí ose Araujo me zhvendosje të Garcia-s në të majtë.
Për Interin, mungon Pavard, por Inzaghi ka pushuar pjesën më të madhe të titullarëve në ndeshjen kundër Veronës dhe është gati të hedhë në fushë formacionin më të mirë të mundshëm, ashtu si edhe Flick, që bëri rotacion kundër Valladolid. /KJ
