Nga Kim Mehmeti
Është e ‘frikshme’ dhe shumë domethënëse fitorja e ‘Rilindjes’ në këto zgjedhje parlamentare në Shqipëri.
Kjo fitore tregon se shqiptarët e atjeshëm janë kapur në rrjetën e regjimit të tanishëm dhe nuk i besojnë as votës së vet andaj edhe në shumicë nuk dalin të votojnë fare.
Siç janë duke shkuar punët më së miri do ishte sikur Piktori të vetëshpallej mbret apo pronar i Shqipërisë se sa kështu, të veprojë ilegalisht si i tillë.
Në të vërtet këtë fitore të “Rilindjes” në masë të madhe e ndihmuan edhe drejtuesit e PD-së, të cilët e dinin se hajdutët e Piktorit nuk luftohen me Nokën, Topallin, Palokën…, por ata nuk e kishin për qëllim Shqipërinë Madhështore, por mbijetesën e një kaste të degraduar politike.
Sidoqoftë këto zgjedhje parlamentare ose do e zgjojnë nga gjumi rininë shqiptare dhe do e çojnë atë të del në rrugë e ta luftojë këtë regjim të cilit i vjen era ‘enverizëm’, ose do e shtojnë numrin e atyre që ndjehen si banorë të përkohshëm të Shqipërisë.
