Kryeministri Keir Starmer nisi një vizitë dyditore në Tiranë, vizita e parë zyrtare ndonjëherë nga një kryeministër britanik në Shqipëri.
Kreu i qeverisë britanike u prit nga presidenti Bajram Begaj në ambientet e Presidencës. Më pas Starmer u prit me ceremoni zyrtare nga kryeministri Edi Rama në ambientet e Kryeministrisë, ku pritet të zhvillojnë edhe një konferencë të përbashkët për mediat
“Për herë të parë në Shqipëri, Kryeministri britanik zhvillon këtë vizitë zyrtare në kuadër të forcimit të marrëdhënieve dypalëshe dhe bashkëpunimit strategjik mes dy vendeve”, shkruan Rama në faqen e tij në Facebook.
Vizita e Starmer fokusohet në forcimin e bashkëpunimit në mbrojtje dhe siguri, luftën kundër krimit të organizuar të emigracionit dhe rritjen ekonomike.
Mbretëria e Bashkuar do të zgjasë Forcën e Përbashkët të Detyrës për Migracionin për të përfshirë Maqedoninë e Veriut dhe Kosovën, me diskutime pozitive që po zhvillohen edhe me Malin e Zi.
Kryeministri vizitoi më herët Portin e Durrësit, ku pa nga afër bashkëpunimin operacional mes dy vendeve për të goditur kontrabandistët e njerëzve dhe falsifikatorët e dokumenteve.
Zgjerimi i forcës së përbashkët do të përfshijë ndërrim informacioni inteligjent, dronë të financuar nga Britania dhe forcim të kontrollit kufitar, njofton euronewsal.
