Këtë të premte, Presidenti i Republikës, Bajram Begaj, është nisur drejt Italisë, për të marrë pjesë në ceremonitë zyrtare që do të mbahet në nderim të Papa Françeskut.
Në Vatikan pritet të mblidhen liderë shtetesh, përfaqësues të lartë të kishës dhe besimtarë nga e gjithë bota për t’i dhënë lamtumirën e fundit Papës, që u njoh si zëri i të varfërve dhe i shtresave të margjinalizuara. Presidenti Begaj, do të jetë pjesë e delegacionit shqiptar që do të nderojë figurën dhe trashëgiminë shpirtërore të Atit të Shenjtë, i cili për vite me radhë mbajti një qëndrim të fortë në mbrojtje të paqes, drejtësisë sociale dhe solidaritetit ndërkombëtar, njofton rtsh.
