Me kënaqësi ju njoftojmë se më datë 23 maj 2025, në qytetin Rapperswil pranë Zürichut, do të shfaqet premiera e filmit shqiptar “MUNDIJE”, një vepër artistike që ndriçon figurën dhe kontributin e grave shqiptare ndër breza dhe nxit krenarinë për rrënjët tona kulturore.
Zürich / Rapperswil, më 23 maj 2025
Adresa:
Kinobar Leuzinger
Rapperswil 46
Obere Bahnhofstrasse 8640
Rapperswil-Jona Switzerland
Ky film sjell në ekran një rrëfim të fuqishëm mbi trashëgiminë, identitetin dhe vlerat shqiptare. Përmes historisë së tij, “MUNDIJE” përcjell një mesazh të fortë dhe pozitiv mbi komunitetin shqiptar, duke ofruar një pasqyrë autentike që meriton të njihet nga publiku më i gjerë.
Ju ftojmë përzemërsisht të merrni pjesë dhe të ftoni miqtë tuaj – veçanërisht qytetarë zviceranë – që të njohin më nga afër kulturën, traditat dhe historinë tonë. Le ta bëjmë këtë një ngjarje për t’u mbajtur mend dhe një hap përpara në ndërtimin e urave kulturore mes Zvicrës dhe Shqipërisë.
Nga: Drejtori i Akademisë së IFTP, aktori, regjisori dhe profesori, z.Adem Kicaj
