Futbollistët e Interit dhe Barcelonës do të përballen sonte në ndeshjen e dytë gjysmëfinale të Ligës së Kampionëve. Takimi i parë dhuroi spektakël të vërtetë dhe përfundoi me rezultat të barabartë 3-3, kështu që sfida në “Giuseppe Meazza” do të përcaktojë finalistin e parë të këtij edicioni të Ligës së Kampionëve.
Fituesi i kësaj përballjeje do të përballet në finale me më të mirin nga çifti PSG–Arsenal, ku ndeshja e dytë zhvillohet nesër (e mërkurë).
Stadiumi pritet të jetë i mbushur plot, gjë që nuk vihej në dyshim duke pasur parasysh interesimin e madh për këtë ndeshje, raporton Gazzetta dello Sport, njofton telegrafi.
