Anëtarët e jurisë së Festivalit të 78-të të Filmit në Kanë, të udhëhequr nga aktorja franceze Juliette Binoche mbërritën në Hotel Martinez përpara hapjes së festivalit të marten.
Ylli i filmave “The English Patient” dhe “Chocolat”, aktori fitues i çmimit Oscar do të ulet në panel së bashku me yllin e “Monster’s Ball”, Halle Berry, dhe regjisorin indian Payal Kapadia.
Në juri përfshihen gjithashtu ylli i filmit “Succession”, Jeremy Strong, aktorja italiane Alba Rohrwacher, shkrimtarja franceze/marokene Leila Slimani dhe regjisori kongolez Dieudonné Hamadi.
Festivali i këtij viti, i cili do të zgjasë deri më 24 Maj do të jetë i mbushur me yje, të cilët do të kalojnë në tapetin e kuq.
Aktorët dhe filmat që do të shfaqen premierë këtë vit përfshijnë Tom Cruise, Pedro Pascal, Joaquin Phoenix, Kristen Stewart, Scarlett Johansson, Emma Stone e shumë të tjerë. Richard Linklater, Joachim Trier, Julia Ducournau dhe vëllezërit e mirënjohur Dardenne të Belgjikës janë gjithashtu në listën e konkurrentëve për Palmën e Artë, njofton oranews.
