Presidentja e Meksikës, Claudia Sheinbaum, ka deklaruar se vendi i saj ka paditur kompaninë Google për injorimin e kërkesave të përsëritura që të mos e quajë Gjirin e Meksikës me emrin “Gjiri i Amerikës” në hartat për përdoruesit në SHBA.
Të enjten, Dhoma e Përfaqësuesve në SHBA e drejtuar nga republikanët votoi për të ndryshuar zyrtarisht emrin e Gjirit për agjencitë federale.
Ish-presidenti Donald Trump, në ditën e parë të mandatit të tij në janar, nënshkroi një urdhër ekzekutiv për këtë ndryshim. Ai argumentoi se “SHBA-të bënë shumicën e punës atje, dhe është yni.”
Megjithatë, qeveria e Sheinbaum këmbëngul se urdhri i Trump vlen vetëm për pjesën e shtratit kontinental amerikan dhe se SHBA nuk ka autoritetin për të ndryshuar emrin e gjithë gjirit.
Në janar, Sheinbaum i kishte dërguar një letër kompanisë Google duke kërkuar rishikimin e vendimit për emërtimin e ri. Në muajin pasues, ajo kërcënoi me masa ligjore.
Google, nga ana e saj, tha se ndryshimi ishte pjesë e një “praktike të kahershme” për të ndjekur emërtimet e reja të përcaktuara nga burime qeveritare zyrtare.
Kompania theksoi se përdoruesit në Meksikë do të vazhdojnë të shohin emrin “Gjiri i Meksikës”, ndërsa në pjesë të tjera të botës do të shfaqet si: “Gjiri i Meksikës (Gjiri i Amerikës)”.
Ndërkohë, Trump la të kuptohet se gjatë një vizite të ardhshme në Arabinë Saudite do të shpallë që SHBA do ta quajë Gjirin Persik si “Gjiri Arabik”, njofton oranews.
