Bayern i afrohet gjithnjë e më shumë titullit, me fitoren 3-0 ndaj Mainz-it që u jep bavarezëve edhe më shumë siguri në vijën e finishit. Skuadra e Kompany dominoi menjëherë, por iu desh të prisnin deri në minutën e 27-të për të hapur ndeshjen: aksion i zgjatur midis Laimer dhe Gnabry, me Sané që firmosi për 1-0.
Para përfundimit të pjesës së parë bavarezët dyfishuan epërsinë, me Laimer sërish protagonist me asistimin për 2-0 të Olise në minutën e 40-të.
Pas pushimit, miqtë u përpoqën të shtynin përpara për të përgjysmuar diferencën, por në 20 minutat e fundit bavarezët e menaxhuan lojën dhe morën tri pikët. Në minutat e fundit kishte vend edhe për një gol të tretë nga Dier, i cili mbylli të gjitha llogaritë në minutën e 84-të. Me këtë fitore, Bayern ngjitet në kuotën e 75 pikëve.
Bayer Leverkusen nuk dorëzohet dhe shtyn festën e bavarezëve falë fitores 2-0 ndaj Augsburgut. Me këtë sukses, Leverkusen ngjitet në 67 pikë, tetë pikë prapa Bayernit, njofton rtsh.
