Carlo Ancelotti, trajneri i Real Madridit, pas humbjes (3-4) ndaj FC Barcelona, në La Liga, këtë të dielë u shpreh:
“Ishte një ndeshje e ngushtë dhe luftuam deri në sekondën e fundit. Mund ta kishim barazuar në 4-4, por kështu është. Ishte një ndeshje e shkëlqyer midis dy ekipeve të mëdha dhe nuk kam asnjë ankesë në aspektin e qëndrimit dhe përkushtimit. Nuk doli mirë. Luftuam, por bëmë disa gabime flagrante që na kushtuan gola. Në ndeshje të këtij niveli kundër një kundërshtari kaq të fortë, duhet të jesh në formën tënde më të mirë në të gjitha aspektet. Ne sulmuam mirë, por është e qartë se kemi shumë për të bërë përparim në mbrojtje.
Secili mund të mendojë çfarë të dojë për rezultatet e sezonit tonë. Tani duhet të përpiqemi ta përfundojmë mirë duke fituar tre ndeshjet e fundit të La Ligës (kundër Mallorcas më 14 maj, pastaj në Seville më 18 dhe kundër Real Sociedad më 25)”, njofton oranews.
