Mesfushori i Zvicrës me prejardhje nga Kosova, ka luajtur 33 ndeshje për Club Brugge këtë sezon ku ka shkëlqyer përkundër moshës së re.
Ardon Jashari ka shpërthyer këtë sezon me Club Brugge, duke qenë një nga lojtarët kyç të skuadrës. Ai ka arritur të regjistrojë 3 gola e 4 asistime në ligën belge në sezonin 2024/2025.
Aq sa Jashari është në garë për “Futbollistin e Vitit” në Belgjikë.
Mesfushori shqiptar i Zvicrës ka zgjuar interesimin e disa klubeve europiane, veçanërisht në Itali dhe Gjermani.
Sipas mediave italiane, Atalanta, Juventus, Milan dhe Roma kanë vëzhguar 23-vjeçarin që ka debutuar edhe me përfaqësuesen e Zvicrës.
Në Bundesligë janë të interesuara dy klube. Bëhet fjalë për Eintracht Frankfurt dhe Bayer Leverkusen.
