Sonte në orën 21:00, Paris Saint-Germain (PSG) dhe Arsenal përballen në “Parc des Princes” për ndeshjen e kthimit të gjysmëfinales së Ligës së Kampionëve. Pas fitores 1-0 të PSG-së në ndeshjen e parë në Londër, të dy skuadrat synojnë një vend në finalen e madhe të kompeticionit evropian.
Te PSG, Ousmane Dembélé, autor i golit të vetëm në ndeshjen e parë, është rikuperuar nga lëndimi dhe pritet të jetë titullar edhe sonte. Ndërsa në radhët e Arsenalit Thomas Partey rikthehet pas pezullimit, duke lejuar Declan Rice të luajë në rolin e tij të preferuar në mesfushë .
Skuadra angleze përballet me mungesa të rëndësishme: Gabriel Magalhães, Kai Havertz, Gabriel Jesus dhe Takehiro Tomiyasu janë jashtë për shkak të lëndimeve.
PSG do të kërkojë të mbrojë avantazhin e fituar në ndeshjen e parë, ndërsa Arsenal duhet të shënojë të paktën një gol për të barazuar rezultatin e përgjithshëm dhe të shpresojë për kualifikim. Me rikthimin e Dembélé dhe formën e mirë të skuadrës, PSG është në një pozitë të favorshme. Nga ana tjetër, Arsenal do të mbështetet te përvoja e lojtarëve si Declan Rice dhe Bukayo Saka për të bërë një kthesë historike.
PSG: Ka fituar tre nga katër ndeshjet e fundit në shtëpi në Ligën e Kampionëve, duke shënuar 14 gola në ato ndeshje.
Arsenalli kërkon të arrijë finalen e parë të Ligës së Kampionëve që nga viti 2006. Ndeshja e sotme premton emocione të mëdha dhe është një test i vërtetë për ambiciet e të dyja skuadrave në arenën evropiane.
Këto janë formacionet e mundshme:
PSG: Donnarumma; Hakimi, Marquinhos, Pacho, Mendes; Neves, Vitinha, Ruiz; Doué, Dembélé, Kvaratskhelia.
Arsenal: Raya; Timber, Saliba, Kiwior, Lewis-Skelly; Odegaard, Partey, Rice; Saka, Merino, Martinelli./K.Goca
