Dua Lipa, këngëtarja shqiptare me famë botërore, mahniti publikun mbrëmjen e së hënës në Nju Jork, gjatë pjesëmarrjes së saj në Galën e 50-të të Çmimeve Chaplin.
Këngëtarja 29-vjeçare rrëmbeu gjithë vëmendjen me një fustan të zi transparent prej rrjete, me prerje të guximshme dhe detaje tërheqëse që e bënin atë qendër të objektivit të kamerave. Pamja u kompletua me sandale të zeza me shkëlqim dhe rripa të hollë, si dhe një gjerdan të madh prej ari që i jepte shkëlqim look-ut të saj.
Galaja e Çmimeve Chaplin është një nga eventet më të rëndësishme të mbledhjes së fondeve për Film at Lincoln Center, duke bashkuar figura të njohura të artit dhe kinemasë në një mbrëmje dedikuar kinematografisë dhe filantropisë, njofton tema.
